Portada da Revista Labirinto nº1

English Español

Resumo

Esta é unha publicación de IGACIENCIA en forma de revista, “Labirinto” (o nº 1), que cambia a concepción que temos da prehistoria galega tanto para os propios prehistoriadores como para o público xeral, incluídos os nosos alumnos e alumnas. Baseada nas últimas investigacións históricas (fundamentalmente cítase extensamente a Antonio de la Peña sobre o tema da antigüidade dos labirintos e da milenaria comunidade cultural atlántica no seu libro Prehistoria, Castrexo...) e máis directamente as investigacións dos xenetistas británicos Bryan Sykes, Spencer Oppenheimer e do Dr Daniel Bradley, lector en xenética do Trinity College de Dublin

Coméntanse extensamente as figuras ou gráficos xeográficos do libro The origins of the British, do cal os que  leron o libro din:

A prehistoria Británica ten que ser radicalmente repensada. Barry Cunliff.

Estea preparado para desbotar todas as súas queridas nocións de britanidade e historia de Inglaterra. Clive Gamble

Demostra que a invasión anglosaxona contribuíu só cunha pequena fracción (5%) ao pool xenético inglés.

 “A prehistoría Británica nunca será a mesma” dixo o coñecido prehistoriador inglés Colin Renfrew.

Pois ben, despois desta revista “Labirinto”, precisamente por apoiarse neste libro, entre outros, a concepción da prehistoria galega nunca será a mesma.

As referencias ás investigacións médicas (as enfermidades celtas galegas) ou ao paleoclima a través da páxina web de Uriarte presenta o tema dun modo apaixonante e totalmente apropiado para elaborar un proxecto interdisciplinar en clase de secundaria non só de ciencias, historia ou galego, senón tamén de matemáticas (a través dos labirintos) ademais do transfondo ideolóxico asignado ao celtismo, tanto en Galicia con prehistoriadores escépticos ou anticeltistas, como en xenetistas británicos que non dubidan en preferir ser “descendentes dos vascos” antes que dos galegos e polo tanto aportan probas sobre o ”mito do celtismo” para desbotaren, tamén eles, o “celtismo galego”. Pero, ao fin científicos, proporcionan mapas como o do haplotipo “Rory” de Oppenheimer que demostran claramente todo o que tentan negar. De feito son a proba indubidable de que os galegos de hai 15000!!!  anos falaban unha versión primitiva de gaélico, que estenderon por Irlanda e Escocia.

A prehistoria celta amplíase, nas súas marxes de tempo, e as concepcións racistas caen: os celtas son unha mestura de poboacións europeas de hai 20000 anos fabricada en Galicia (porque a única raza pura é a raza humana de hai 60000 anos), ou, como quizais preferiría dicir Oppenheimer, os descendentes dos galaicos son o 70% dos habitantes dos países célticos, incluída Inglaterra, (pero non son os celtas, vaia!, segundo el).

Así, celta é unha entelequia europea que derramará tinta sen conto durante moito tempo. Pero os feitos apuntan a que “Algo máxico ocorreu coas poboacións na fachada atlántica europea nos últimos 15000 anos e tivo como cerna Galicia.” E o esbozo desa historia está contada na revista.

Apúntanse hipóteses asombrosas que relacionan os nosos petróglifos cunha cultura (celta? ou galaica?, que máis dará) que durante os últimos 15000 anos encheu a fachada atlántica cunha forza milenaria de símbolos, culturas e crenzas comúns. A época dos petróglifos “cup-and-rings con cola” que enchen Pontevedra, Escocia, Irlanda e Inglaterra, como se describe na revista (e aínda máis, se amosa visualmente), marca un fito importante pois posiblemente teñan unha conexión con Stonehenge e coa Atlántida ou coa súa lembranza.

Desde logo as descricións dun membro da teoría da continuidade paleolítica falando do “Old English” (é dicir, falando doutro tema e sen sabelo) apuntan sen máis a que a Atlántida foi celta e sitúan a súa posición cunha certa precisión. Os feitos obxectivos, históricos, artísticos, climáticos, xeolóxicos, xenéticos e lingüísticos apuntan a que os galegos estivemos de forma oportunista e oportuna (no momento en que cumpría) en batallas e travesías milenarias que apuntalaron a primeira cultura libre e conexionada europea: a celta.

En fin, despois desa longa viaxe pola prehistoria galega tratamos de afirmar, finalmente, a certeza da maior antigüidade dos petróglifos labirínticos galegos, derivándoos, mesmo dos clásicos “cup-and-rings con cola”. Aínda que esta revista termina aquí,  trátase de que sexa unha primeira pedra histórica e cultural doutras con máis contido matemático sobre os labirintos, deseño, algoritmos, formas de saír, e finalmente, historia e cultura.

Aínda non recibiches a revista? Apúntate a recibila enviándolle un correo á secretaría (en) igaciencia.org
 

Que vai coñecer?

-Os labirintos galegos son os máis antigos da historia.

-Para que usaban os labirintos. Primeiras fases galegas dos labirintos

-A cultura atlántica é unha cultura común de toda a fachada atlántica interconectada durante miles de anos.

-A Atlántida foi celta

-Galicia, como foco secundario de repoboación europea da fachada atlántica: explicación de porque os vascos aparecen repetidamente nas historias xenéticas relativas aos celtas

-Stonehenge é a catedral do culto da cultura dos petróglifos?

-O papel protagonista dos petróglifos "cup and rings" na prehistoria europea.

-A irmandade xenética dos galegos cos irlandeses, escoceses, e británicos en xeral.

-O cometa Clovis

Influencias:

A Atlántida inspirou a Roger Bacon a escribir  New Atlantis