Bases do Rallye de Ciencias 2010
Organizado en colaboración co IREM de Toulouse
Celébrase en Galicia o día 8 abril 2010. Final en Toulouse 6 de maio de 2010
Destinatarios: alumnado de 4º de ESO dos centros de toda Galicia e o norte de Portugal .
O Rallye de Ciencias consiste na celebración simultánea nos países participantes dunha mesma proba que se deberá resolver de forma conxunta por un grupo de alumnos e alumnas da mesma clase. Non é unha proba individual.
Os obxectivos que se tratan de conseguir con este tipo de probas son:
Favorecer o traballo en equipo
Revalorizar as cualidades da imaxinación, dinamismo e creatividade
Facer vivir as ciencias a través de situacións orixinais.
Preguntas
O grupo gañador ten que ir a Toulouse? Pode, se quere, participar na proba en Toulouse. Gañar dálle dereito a participar. Senón pode participar por videoconferencia na final de Toulouse.
O premio? É participar. Non hai ningún outro premio agás pequenos agasallos.
Onde se fai a proba galega? Desprazándose os profesores de centros próximos entre sí (coma no Rallye Matemático sen Fronteiras), ou ben acordando coa organización o lugar que se determinará en función das inscricións. Sería conveniente, polo tanto, que vos inscribírades parellas de centros próximos.
Inscrición: o prazo remata o día 15 de marzo de 2010.
As bases que non estean aquí formuladas serán as do Rallye Matemático sen Fronteiras
O exame terá unha hora de duración
- Haberá dous exercicios de Física, dous de Química e dous de
Bioloxía-Xeoloxía. (pero é posible renunciar a algún exame)
-Calquera documento está permitido, e calquera tipo de
material (calculadora, dicionario, ...)